地中海嘅貨櫃船,日前都會關閉位置訊號,以免捲入接收難民嘅爭議。

因為近來義大利政府拒絕接受難民,有關貨櫃船被救援船偵測到,並發出求救後,就要接收難民,等到有國家收佢地為止。

但近來呢啲難民經常淪為國際人球,貨櫃船接人後,就要面臨不可預計嘅延誤。

而且更糟糕嘅係,如果船隻載有難民,而被利比亞海岸防衛隊截獲,係要將難民送返利比亞。但根據某啲國家海事法例,利比亞依然被聯合國列為不安全國家,送返利比亞會令船員犯法。

再唔好講,有慈善組織將船公司告上法庭,表示佢地見死不救。

因此好多貨櫃船,乾脆以船員安全為由,關閉位置訊號。

時報

舉報錯字:Fb 訊息留言板