里昂 – 日本皇太子德仁週五抵達當地,開始對法國嘅訪問,紀念兩國建交 160年。

但法國媒體對太子係里昂開始訪問,仲有會到訪阿爾卑斯山區嘅嘉帝城 Grenoble,令法國傳媒相當不解。

部分傳媒認為,係因為里昂與日本關係最早開始。因為150年前當地嘅絲綢業因為蟲害崩潰,最後要從橫濱引入新嘅蠶蟲,最後乾脆係里昂人開始到日本設廠。而太子行程包括當地嘅紡織博物館,似乎有向呢段因由致敬嘅意味。

而嘉帝城則係相信,太子妃係外務省工作時,曾經係呢度學法文,因此被選為訪問地,當地媒體估計。太子妃因為健康理由無陪同出訪,而今次估計係德仁最後一次以太子身分出訪

太子要到下禮拜先會係巴黎會見總統馬岡,而前里昂市長,現任內務大臣高龍 Gérard Collomb 負責係里昂接待太子。高龍此前多次訪日,甚至曾經面見明仁天皇陛下。

觀點雜誌 / 法蘭西3台

舉報錯字:Fb 訊息留言板

Comments

comment