倫敦 – 荷蘭國王威廉歷山日前訪英,而兩個皇室嘅正式晚宴,卻成為皇室女成員「皇冠大戰」嘅時間。

荷蘭王后麥西瑪嘅皇冠,尤其引起皇室觀察家嘅興趣。佢頂「斯圖亞特王冠」,其中嘅最大顆鑽石,係英王威廉三世同瑪麗女皇在英國登基後得到,當時英國光榮革命後,請咗娶咗英國公主嘅荷蘭執政黎兼任國王。安妮女皇繼位後送返荷蘭。

因此只有荷蘭君主訪英,大家先有機會再見到呢頂冠,上一次已經40幾年前,威廉敏拿女皇訪英嘅時候,先係倫敦見到。

而英國方面應戰係劍橋公爵夫人,頂皇冠甚至同香港有關係:呢頂「戀人結皇冠」,戴安娜王妃曾經係為香港文化中心開幕時戴住,當時戴妃身上服飾更係著名嘅「貓王裝 Elvis Dress」。

呢頂王冠由佐治五世嘅瑪麗王后係1913年得到,係仿製一頂1818年嘅皇冠,歷史都相當驚人。

每日快報 / 荷蘭綜合日報

舉報錯字:Fb 訊息留言板

Comments

comment