愛丁堡 – 二次世界大戰英國收容唔少歐陸國家嘅軍士,而佢地都為保衛英國做出唔少貢獻。

最近愛丁堡為波蘭嘅毛採奇將軍 Stanisław Maczek 立像,佢未流亡蘇格蘭前已經戰績彪炳,就算係二次大戰波蘭戰役中,時任坦克軍團指揮嘅佢,係唯一一個無打敗仗嘅將軍。

撤離到英國後,被邱吉爾授予最新坦克鎮守蘇格蘭,後來都到歐陸作戰,解放荷蘭多個城市,因此同荷蘭結下緣份。

二戰過後,波蘭淪為共產主義嘅「人民共和國」,毛採奇甚至被褫奪國籍,滯留蘇格蘭,退役後英國軍方拒絕提供退休金,最後係要荷蘭一位市長,由荷蘭外務省提供一筆秘密津貼供養毛將軍。

而毛將軍一度要係愛丁堡一間酒店做調酒師,後來有荷蘭津貼先可以退休。

佢1994年病逝,終年102歲,最後葬係荷蘭。而去到2013年,係蘇格蘭前律政司菲沙勳爵發起運動,等大家記得毛採奇將軍嘅貢獻。

時至今日係勳爵之女嘅努力,有關雕像終於樹立係愛丁堡街頭。

時報

舉報錯字:Fb 訊息留言板

Comments

comment