倫敦/杜拜 – 一名對衡大學博士生 Matthew Hedges 5月係杜拜機場被捕,被指係英國間諜,週三係當地法庭,無律師陪同嘅「五分鐘法庭」審訊後,罪名成立,被判終身監禁。

外相侯俊偉上週曾經與阿布達比太子 Mohammed bin Zayed 會面,據說獲得對方保證可以「從輕發落」有關案件,但未能保證 Hedges 獲勝。而家得到呢個結果,外務省只表示聯合大公國要承擔「嚴重外交後果」。文翠珊都被迫係首相答問時間表示,會「循最高渠道就案件施壓」。

Matthew Hedges 曾經係聯合大公國任職防衛顧問公司,5月因為博士研究入境當地,訪問當地重要人物。但其後被捕,而當地熟悉佢嘅政商人士都唔少,都對佢被指間諜感到意外。佢據講被單獨囚禁6個月,而且環境惡劣。

聯合大公國嘅媒體報導, Matthew Hedges 係認罪,並認為審訊係公平、透明同公正。但家人表示佢唔識阿拉伯文,但認罪書卻係全阿拉伯文。

外務省訊息則指,油長國雖然係盟國,但呢次審訊結果顯示完全已經失控。而該國同沙地最近同露西亞愈行愈近,認為西方背叛佢地。而英國就人權問題批評UAE,仲有同卡達合作,都令對方有「對英國不滿嘅理由」。

而 Hedges 嘅女友更加指責英國外務省一直無力處理事件:「一開頭處理就好兒戲,無人認真對待案件。」

時報

舉報錯字:Fb 訊息留言板

Comments

comment