倫敦 – 文翠珊政府無能,硬脫歐機會愈來愈大。媒體紛紛報導,英國公務員體系已經計劃如果無協議脫歐,將會啟動核戰級嘅應變方案,將事頭婆及重要皇室成員撤離到秘密地點。

白廳公務員擔心,無協議脫歐會導致暴動,事頭婆很可能成為不理性人士嘅目標。蘇格蘭場消息表示,如果倫敦大亂,自然將皇室從關鍵地方撤離,係好自然嘅事,並且強調呢個正常安排,係理性嘅計劃。

有關嘅計劃可以上溯到古巴導彈危機,當時英國政府計劃,如果遭遇核戰,會用皇家遊艇不列顛尼亞疏散皇室成員到海上甚至蘇格蘭離島避難。

而皇家遊艇不列顛尼亞號除役後,有關計劃改到利用郵輪撤離。而今次計劃嘅詳情,當局就未有透露。

雖然係有計劃,但最後是否實行真係要「聽候事頭婆發落」,二戰時政府甚至有計劃撤離當時嘅伊莉莎白公主到加拿大,但最後全家都留係英國,甚至皇太后同佐治六世系堅持留係倫敦。

星期日時報

舉報錯字:Fb 訊息留言板

Comments

comment