喀拉蚩 – 印度同巴基斯坦邊境衝突,引發空戰,巴基斯坦週三乾脆宣布封閉領空,導致多國航班大亂。

鄰國航班自然最後受影響,例如印度香料航空從阿富汗首都喀布爾飛往爹里嘅班機,就要繞過伊朗、阿曼才可以回國,週四班次乾脆取消。

而泰航因為航道問題,乾脆取消來往歐洲客機,加航則取消近期前往印度嘅班機。週三有長榮班機需要係加爾各達上空飛返曼谷,估計週四先可以再出發。

而歐洲來往東南亞嘅班機,預料受最大衝擊,英航同星加坡航空都預告飛行時間會延長,而航空公司都陸續安排臨時落地加油,星航有飛倫敦班機就係杜拜加油,法航同荷航係曼谷返國嘅班機都降落卜加利士,停留加油。

BBC / CTV

舉報錯字:Fb 訊息留言板