薦呢華 – 82歲高齡已經要輪椅出入嘅阿及利亞總統鮑菲卡,日前被法國傳媒踢爆入住薦呢華大學醫院。而阿及利亞國民嘅示威都搞到「出口」去瑞士。

大學醫院表示,節目出街後收到至少1500個電話,用法文詢問阿及利亞總統嘅去向。當中甚至包括係相信假扮阿及利亞首都四島城pizza鋪,表示總統要領取外賣,或者係阿及利亞足總要求總統出席聯賽。唔少惡搞電話,打出者甚至係自己放video上社交媒體。

醫院發言人表示,相信大部分電話都係善意或傳媒做嘢電話,但惡意滋擾電話係少數。

但唔單止電話俾人玩,大學醫院嘅FB 都一度要關閉,因為太多人嘗試詢問總統去向,或者表達對總統嘅不滿。

鮑菲卡縱使高齡及行動不便,依然繼續參選總統,尋求第五任期,引發國內持續示威,搞到佢近日表示,就職1年內會提早大選,選出佢嘅繼承人。

瑞士法文廣播公司 / F24

舉報錯字:Fb 訊息留言板

Comments

comment