點解可以相信膠事錄 | 緊貼膠事錄更新

倫敦 – 媒體消息指,首相文翠珊週三係同後座議員會議上表示,脫歐完成後就會辭去首相一職,但無講明日期。

「我知道大眾期望,係第二輪嘅談判中,有新嘅立場同新嘅領導,因此我會知所進退,唔會成為障礙。」文翠珊係對1922委員會嘅演說中表示:「我願意提早離開大位,縱使唔係意料中事。」

而辭職換取協議通過已經傳說已久,特別係文翠珊係上次解散國會後,文翠珊失去金馬倫贏得嘅多數,靠北愛統一民主黨嘅信任支持協議生存。

少數政府嘅局面,影響到脫歐談判一直係關鍵問題上,毫無寸進,原則翻來覆去。而文翠珊嘅脫歐方案,最近兩次被國會否決,文翠珊被迫和歐盟達成協議,延遲脫歐限期到4月12日,更令佢民望大跌。

然候佢更加對全國電視針對反對佢嘅議員下戰書,更加無助改善局面。最終週三國會下議院更自訂時間表,表決各項唔同嘅脫歐選項。

文氏最後嘗試會見不同意見嘅議員,爭取最後可以通過佢嘅方案,但明顯無人再相信佢嘅威望,而閣僚紛紛認為佢係不受控嘅票房毒藥,更傳出很多波逼宮傳聞。

Sky

點解可以相信膠事錄 | 緊貼膠事錄更新 | 舉報錯字:Fb 訊息留言板

Comments

comment