維也納 – 末代奧地利皇帝嘅長孫卡馮哈布斯堡,日前被法庭裁定違反奧地利共和國嘅禁止貴族稱號法令,被罰款70歐羅。

奧地利共和國廢止貴族稱號,因此貴族不能再使用 von (*)作為姓名之間嘅區隔,但卡生繼續使用「馮」作為區隔。

維也納村路區地方法院日前裁定,卡馮哈布斯堡觸犯1948年解散貴族階層嘅法令,需要被罰款4000先令。

但有關貨幣已經大幅貶值,甚至已經被歐羅取代,今日只係260歐羅,最後仲要因為「初犯」,罰款減到得70歐羅。

舉報錯字:Fb 訊息留言板

(*) 音譯「馮」,即英文嘅「of」,係德文區長期被用作區分貴族同平民嘅姓名間隔詞。

Comments

comment