倫敦 – 哈利同威廉王子一向關係密切,直至哈利大婚前,兩人同嘉芙蓮都係以「京勝田宮」嘅排頭,出新聞稿或者管理公開活動。

但美瑾出現後,似乎有所鬆動,最近首先傳出哈利將會分出新嘅宮家,而且確認有自己嘅私人助理同公關 team。而最近因為車路士花展,兩人更加傳出爭鋒嘅傳聞。

嘉芙蓮會參與花展嘅一個英芥蘭傳統花園嘅設計,已經講咗好耐。但哈利同美瑾支持嘅一個慈善組織,都係花展有個非洲花園,並且計劃擺哈利同受益人嘅圖片出黎籌款。

但組織收到京勝田宮人士關切,要求組織唔好擺出哈利嘅圖片,以免外間有錯誤嘅解讀。

而有皇家傳記作者表示收到風兩位王妃固然如同傳聞咁關係唔好,連同兩位王子嘅關係都無以前咁親密。

星期日時報

舉報錯字:Fb 訊息留言板

Comments

comment