點解可以相信膠事錄 | 緊貼膠事錄更新

維也納 – 奧地利廣播公司 ORF 宣布,4月1號起將全面撤出Facebook,唔再update 旗下專頁。

其中ORF新聞網係有關報導表示,對於FB處理內容嘅手法,感到非常挫折。特別FB嘅算法非常黑箱作業,成日更改,前線更加無所適從。

特別同其他媒體一樣,ORF都慘被壓reach,而導致FB post 沈底,網頁訪問量大跌。散佈假新聞嘅內容農場卻大幅增長,令ORF人士係反「假新聞」嘅戰線上感到非常茫然,縱使FB總裁糖山信誓旦旦表示要處理呢個問題。

而且FB 更加強力推銷廣告,但問題ORF係公營機構,用公帑推銷新聞,雖然多咗reach,但都非常唔合理。

面對不中立嘅平台,ORF嘅管理層決定退出FB,唔再經營專頁。市民可以繼續分享網頁內容,等其他人可以睇到ORF嘅內容。

ORF

點解可以相信膠事錄 | 緊貼膠事錄更新 | 舉報錯字:Fb 訊息留言板

Comments

comment