點解可以相信膠事錄 | 緊貼膠事錄更新

開羅 – 以色列係六日戰爭取得驚人勝利,係戰爭第一日就幾乎全殲埃及一斤敘利亞嘅空軍。如何得到情報一直係個疑問。

最近一名義大利醫生 Adriano Monti ,寫書講述自己特工生涯,更加驚爆自己係六日戰爭中嘅角色。

佢二戰曾經參加SS 國際團,因此戰後被 Reinhard Gehlen 將軍吸收,加入日後成為聯邦情報局 BND 主力嘅古痕組織。

1967年時,Monti 被派往埃及,並且通過一名歡場女子 Marguerite,從納賽爾身邊兩個東德顧問得到呢個關鍵情報。

交換情報時,Monti 正同 Marguerite 飲酒,Marguerite 突然細聲用法文講「6月5號,8點15」。有關訊息被傳回古痕組織,最後據講經過傳奇間諜史高茲尼 Otto Skorzeny 傳到以色列,不夠一個星期就開戰。

Monti 指呢個前SS軍人網絡,實在很浩大,甚至巴勒斯坦已故領袖身邊助理 Abu Omar,都被買起。因為佢曾經參與SS 查理曼旅,甚至係納粹政權最後一刻協助守衛柏林城。

時報

點解可以相信膠事錄 | 緊貼膠事錄更新 | 舉報錯字:Fb 訊息留言板

Comments

comment