倫敦 – 文翠珊係週三發表聲明,將會係6月7日辭任黨魁,留任首相直到保守黨選出新黨魁。

點解可以相信膠事錄 | 緊貼膠事錄更新

少數政府嘅局面,影響到脫歐談判一直係關鍵問題上,毫無寸進,原則翻來覆去。而文翠珊嘅脫歐方案,最近三次被國會否決,文翠珊被迫和歐盟達成協議,延遲脫歐限期到10月31日,更令佢民望大跌。

本週文翠珊最後一搏,嘗試將各種選項放入脫歐法案,導致黨內不滿,最終導致1922委員會出面。雖然週三晚文翠珊據聞阻止委員會修例,令黨員可以挑戰佢黨魁位置。

而文翠珊係同1922委員會主席白嘉咸爵士週五會面後,係承諾唔會再提交脫歐法案情況下,留任首相直至新黨魁選出。

文翠珊6月7日會辭任黨魁,而保守黨下週三會開會決定選任新黨魁選舉日程。最快6月底保守黨會選出新黨魁,即會係新嘅首相。

而文翠珊預計會係接待完當勞侵訪英,以及出席完諾曼第登陸以及七大工業國峰會後,先會辭任首相。

Sky

點解可以相信膠事錄 | 緊貼膠事錄更新 | 舉報錯字:Fb 訊息留言板

Comments

comment