禾晤士 – 德國歷史古城 Worms 大教堂附近開咗個新停車場，但汽車出入口設計俾人鬧到阿媽都唔認得。
因為停車場入口係一個右急彎，所以車輛到繳費閘之前車頭根本冇位拉直，於是司機就要開門落車先可以拍卡畀錢，然後上返車揸車入停車場。亦有駕駛人士為咗畀錢，由車窗疙晒上半身出去，或者多次褪前褪後攞位，場面滑稽。再唔係，可以直行去到下一個街口迴旋處掉頭，然後轉左跨過對面線入停車場。
當地政府規劃師承認個設計好 fail，但建議嘅解決方法係拆咗路中心個安全島，等入停車場嘅車輛可以先靠左再轉右。總之點搞都係多舊魚。
Mon 住海外傳媒報導香港 在此訂閱
