倫敦 – 白金漢宮宣布,王夫愛丁堡公爵病逝,享年99歲。

公爵本來係希臘及丹麥王子,後脫離希臘皇籍規化英籍,受封愛丁堡公爵,1947年與伊莉莎白公主成婚,1952年公主登基後成為王夫,履行公眾任務到2017年退休。

而近年佢已經兩次入院,甚至做過唔少手術,其薨逝亦屬意料之內。

菲臘親王1921年出生係希臘王室係科孚島嘅行宮,但當時希臘君主制並不穩定,其父親更因指揮軍隊,被指失當險被判死刑。最後全家流亡法國,親王本人更輾轉投靠係英國嘅親戚,後來更取其舅父姓氏「蒙巴頓」,繼而係皇家海軍服役。

1939年當時嘅親王遇表親伊莉莎白公主,兩人相愛,延至1947年成婚,未來太子查爾斯係翌年出生。

1952年佐治六世意外早逝,當時菲臘親王和伊麗莎白公主代表國王出訪肯雅,菲臘親王自此成為王夫。

菲臘親王曾係1959年單獨訪港,1975年和1986年則陪同事頭婆訪港,1945年曾作為皇家海軍役員參與接管香港。

親王長期執行公職,甚至以幽默嘅失言嘅著稱,甚至形容廣東人,四腳唔係凳、有翼唔係飛機、能遊水唔係潛艇就會食。

按照繼承法,威爾斯親王將會成為新嘅愛丁堡公爵,而根據事頭婆之前嘅諭令,威息士伯爵 Earl of Wessex 最終將會成為愛丁堡公爵。

BBC

舉報錯字:Fb 訊息留言板