繼續將呢度變免費樂評/吐糟區嘅行動。話說呢場音樂會係上個週末，但為咗準備聖誕節目，所以拖到而家先出街。
其實我真係唔係巴洛克音樂嘅專家，甚至呢個programme新穎到係即場一張卡紙咁印出黎，好似當年莫札特新作咁新鮮落地。所以要 critique 其實唔係咁客觀。
不過敖生除咗靚仔之外，其實聲樂功力絕對係超班，特別係Encore嘅炫技的確好爆。
當然假聲男高音其實生存不易，而家閹伶基本上唔存在，唔少角色都被女中音直接取代，假聲男高音都係近年先興起，敖凜奇算係後起之秀，其他名家都成四五十歲。所以現場都聽到有女子話：「佢真係好靚仔」。
不過最後都係有野要吐糟下個場館，露天場地固然係個challenge，咩鳥叫或者飛機，外力不可控制。但同一個場館內，隔離場開嘉年華唔係錯，但低音喇叭blast到幫巴洛克音樂，實在係年代錯亂。雖然敖生無所謂拿黎講笑，其實真係失禮。換著第二個講究嘅表演者會唔會反檯走人？
(其實我都唔想吐糟個場館，但佢個問卷得instagram咁條bar slide 同意唔同意，大佬咁開post話啦)