柏林 – 自從1968年起，德國所有電視台都會係除夕播放一套英國喜劇。最離奇嘅大部分英國人竟然未睇過。
呢套叫「Dinner for one 一人晚餐」嘅喜劇，講述一位婦人90歲生日，於是管家要幫佢搞壽宴，但婦人所有朋友都去見曬耶穌，因此要對好些不存在嘅朋友祝酒。
而開頭同結尾嘅對白「一切如舊」都好有新年嘅意味。據媒體統計2016年除夕有21%嘅德國人睇咗呢套殘片，但全英國只有13%嘅人知道呢套戲。
雖然套戲同德國毫無關係，但德國人對套戲嘅劇情瞭如指掌，甚至可以背對白，如同「格林童話」地位一般。
根據邊民大學文化研究教授 Dr Rainer Stollmann 表示，呢套戲已經變成有英國風味嘅德國幽默。而德國市民往往覺得係一種懷舊cult。
