東京奧運或即將發生高調叛逃事件，白露西亞田徑運動員狄馬諾絲佳雅 Kristina Timanovskaya，因為多番批評國家隊教練，東京時間下晝被政權管理人員要求收拾行李，即刻被押往羽田機場，極速返國。
本來佢被計劃押上突厥航空班機返國，但似乎有關客機係佢 no show 之下起飛。
多方面訊息不一致，媒體記者見到有日本警察護送佢係機場出入，佢對媒體表示唔會返返白露西亞，而且會尋求政治庇護，有消息指佢會向奧地利申請政治庇護。
狄馬諾絲佳雅通過媒體要求國際奧委會介入，而根據白露反對派媒體披露，波蘭外務省已經指示其東京使館介入事件。
而係狄馬嘅 social media 故事中，佢曾經提過白露官員強行幫佢報名，無訓練過嘅項目。而家白露西亞方面反而話運動員太情緒化可能有心理問題幫埋佢退賽。
訂閱總裁深入國際評論 ｜ 點解可以相信膠事錄 | 緊貼膠事錄更新 | 舉報錯字