其實我地從來唔想回答呢個問題,但奇趣的困境是,總有朋友想為膠事錄辯護,有時見到呢種 Effort,其實有時都好會心微笑。

其實正式嘅答案係,無人叫你信。總裁係新聞系畢業,做過下啲新聞邊緣人,真係入去做sub檯機會唔係無,次次都機會唔啱。一路落黎就偶爾**工餘**時間,寫下短篇,練筆咁,又有人睇wor,噢,keep住咯。(所以format唔會轉,應該寫幾多就幾多,唔會多餘。)

特別而家抄報選材,已經就快照抄新華社為傲,自己睇國際新聞都直接睇外文,這裡當帶啲異國風情俾大家。

而家理論上有其他人幫手,但關鍵編採都係總裁自己做,所以保證質量一貫(地差劣)。

但習慣上,每篇都有link嘅,我地大部分時間都唔做一手新聞,係處理已有可信任嘅媒體報導。某啲民間智慧,只限背景資料可能需要額外嘅地方人士提供資訊,會以適當方式列出該等資訊。

因此各條膠事,都會附上來源link,講清楚我地固然相信事件真確,唔係都唔會寫。

而真正嘅信念,係呢啲來源媒體應該有人vet,或者多間媒體都收到同樣消息,要炒車都係全世界一齊炒,你滿意呢種解釋未信,反正我地就信了。

面對成日有錯字,我地已經係特定日期後,每條膠事link都有據報錯字內容,收到就會改,恕不額外通知。

至於更嚴重錯誤,則都可以回報,如何處理則無法保證。

人生污點分享:總裁至今唯一一次願意接受訪問講膠事錄

舉報錯字:Fb 訊息留言板

Comments

comment