最近日本出旅遊書，開始玩歷史旅遊，其中一本係哈布斯堡帝國。同台灣遊人談及該說，突然好奇這本書會介紹咩地方。
一般你會林到嘅布拉格維也納應該走唔甩。但我地好奇會唔會介紹哈布斯堡本身。
書到左，發現有幾版都介紹哈布斯堡，咁我都講下當年點解去哈布斯堡啦。
哈布斯堡本身就係一個堡，但而家唔係奧地利或者邊個繼承國境內，而係瑞士聯邦嘅阿膠邦，實際地理位置係蘇黎世近郊15分鐘火車嘅地方。而我就係2016年玩瑞士最後一日，我就去做呢個哈布斯堡。
我同瑞士嘅關係好古怪，試過2013年要從義大利移動到荷蘭，就試過穿過瑞士全國，只係係巴素SBB站食咗餐意粉，然後咩都無做就去咗古龍。
所以2016係瑞士聯邦各大語言區嘅大滿足，最後先係蘇黎世住民宿，然後跳上直航機返香港。
當時嘅交通係要火車到一個巴登嘅站轉巴士。根據鐵膠大臣博文高嘅旅遊節目，來往巴登同蘇黎世嘅鐵路係瑞士第一條鐵路，相傳係因為城內女僕要買該鎮嘅紅蘿蔔批而起。
當地仲有餅舖賣呢隻批，無咩特別，可以一戰。食完之後，未有巴士，落河邊行下，仲有人搭訕，但完全聽不懂嘅亞膠方言，唯有「Wie bitte」，對曰「Ah Hochdeutsch」，開心交流咗陣。
搭巴士唔洗好耐就到哈布斯堡村，無錯，而家真係淪落到一條村，有羊嘅村。落車就慢慢上山就會見到殘存嘅城堡。
而哈布斯堡家族係1276年已經將中心搬離此處，1415年更加失去該城堡，因此都荒廢好多年。
而家呢度係個露天博物館，都城牆都好多穿爛，可以睇到附近公路咁樣。
根據最新google maps，而家似乎係係 Brugg轉巴士，至於呢度有咩風光，就等大家發掘鳥。
