話說大家最近都係我社交媒體見到，近來我有兩次現場聽維也納愛樂現場演出嘅機遇，但其實我聽到有啲懷疑人生。
所以最後都要聽多兩場電台音樂會先可以作呢個結論，就係真係要特定指揮先可以催谷出維也納愛樂1980年代清脆嘅聲音。
兩次維也納愛樂嘅現場過後，我依然建議大家有機會應該聽現場，畢竟錄音都只係收到部分聲音，現場始終係完整嘅聲音。但最近聽嘅兩場，一場維也納，一場東京，聽完落黎覺得硬係缺失啲野，比較返Karajan同Kleiber嘅名盤，就發覺呢兩場嘅指揮似乎排練唔夠，厚重得變笨重，缺乏1980年代嘅清脆。
但最近一場聽錄音，Franz Welser-Most 其實指得出清脆聲，雖然同Kleiber 依然有段距離。但明顯顯示樂團有能力，但部分指揮似乎唔太催谷到呢種能力。所以我懷疑係排練不足。
特別係10月嘅約翰史特勞斯200歲冥壽音樂會，合唱團明顯有啲位係暴衝出黎，明顯係排練不足，同一團係年初同維也納廣播交響樂團嘅音樂會都有類似問題。
同一場音樂會，女高音唱春之聲圓舞曲都係50年一遇，但女高音一開聲同1987年新年音樂會嘅黑人女高音無法比，甚至同維也納愛樂鬥聲嘅幾個音都唔見，所以場音樂會都有啲。
不過聽咗兩次藍色多瑙河，都可以話此生無憾啦。不過最近發覺2026年新年音樂會指揮倪雪芹，23號都仲係費城指揮韓德爾彌賽亞，真心夠時間排練？
