Carlos Kleiber 仲有「新」錄音今次捷克電台掘到寶

膠譯館總裁

3 years ago

涉及錄音：
Prague Spring Festival – Gold Edition Vol. 3
Český rozhlas

古典音樂界有啲音樂家極不喜歡錄音，例如祈樂伯 Carlos Kleiber。相信不少人入門就聽過 Kleiber 如何神級，但如何討厭錄音，甚至未錄完就從錄音室暴走嘅故事。

因此後世好多人，都要靠電台錄音，領略到大師風采嘅鳳毛麟角。因此每每有這種電台錄音「出土」，基本上都會引起轟動。

而係今個月，捷克電台卻拋出一個震撼彈，就是出版咗祈樂伯係1968年布拉格之春音樂節嘅錄音。第一個反應係捷克當時係兵荒馬亂，或者係短暫嘅自由空氣，祈樂伯就係呢個時空下指揮咗呢場音樂會。

睇返曲目，而家發布咗嘅舒曼鋼琴協奏曲，祈樂伯幾乎無其他舒曼作品錄音留低，而且獨奏家而家都係一名著名指揮艾慎伯 Christoph Eschenbach ，絕對唔簡單，實屬罕見。

甚至祈樂伯係後來書信中對布拉格交響樂團讚不絕口，表示木管同其他部門配合得很好。然而捷克後來基本上鎖國，雖然都有記載祈樂伯同捷克樂團合作，但都未見錄音傳世。

而同場音樂會有德沃謝克嘅嘉年華序曲同貝多芬第七交響樂，如果捷克電台邊日發布都係轟動嘅新聞。

聽落錄音的缺見到祈樂伯神級嘅影子，當然弦樂無維也納咁好，但都明顯見到大師嘅速度和清新。