美國司法省和聯邦調查局週三宣布，係紐約、紐澤西、康省及加州拘捕5人，通緝另外3人，為習近平嘅「獵狐計畫」，涉嫌恐嚇美國公民或永久居留人士返回契丹。
5人係週三上午被捕，其中一名係紐約任職私家偵探嘅美國公民，其餘四人都同契丹有關，一名係已歸化公民，其他依然係契丹人。
案情指佢地涉嫌恐嚇一名獵狐對象，只要返回契丹坐監10年，佢嘅家人都安全，更加威脅佢係美國同契丹嘅家人，更一度要求佢「一係自殺、一係返回契丹」。
聯邦調查局長雷伊表示，契丹人犯罪行為包括恐嚇和跟蹤，甚至外判工作俾私家偵探，控罪指佢地未經美國聯邦司法部同意非法「執法」，雷伊更形容佢地嘅行為「更加似有組織犯罪。」
雷伊都呼籲任何懷疑被「獵狐計畫」針對嘅在美國人士，立即同地方聯邦調查局聯絡。
Mon 住海外傳媒報導香港 在此訂閱
