皇家芭蕾舞團嘅露西亞籍首席女明星歐寶華 Ната́лья О́сипова，被聖彼得堡大公劇院指責，詐病唔飛到當地演出。
大公劇院表示，歐寶華無出席最近排練，其倫敦拍檔指佢病咗入廠。
劇院向皇家芭蕾舞團查詢，則得知歐寶華無病無痛，甚至唔知佢有去露西亞嘅計畫。而歐寶華上週更係威爾斯御前表演巴蘭欽嘅柴可夫斯基雙人舞。
露西亞方面開始指責歐寶華，「雙重欺騙」，甚至係數典忘祖。而歐寶華係倫敦工作多年，已經可以入籍，甚至有美國男友，因此露西亞會否擔心留唔住國寶，而過分解讀。
英媒則傾向歐寶華可能行程book爆，露西亞明星經常有呢個問題，引發大牌傳聞。畢竟英國全國幽閉時，歐寶華甚至係去西伯利亞演出，出Instagram都話「親愛嘅聖彼得堡」。
訂閱總裁深入國際評論 ｜ 點解可以相信膠事錄 | 緊貼膠事錄更新 | 舉報錯字
