獨家樂評：真維也納風嘅「幻想交響樂」上線啦

涉及錄音：
Berlioz: Symphonie fantastique, Op. 14
Wiener Philharmoniker
I. Valery Gergiev, 2003-05-20, Philips
II. Georges Prêtre, 2004 薩爾茨堡音樂節, Wiener Phil Edition
III. Tugan Sokhiev, 2013 維也納藝術週音樂會, ORF 私人直接購買
IV. Mariss Jansons, 2019 定期音樂會, 網上片段
V. Riccardo Muti, 2022 定期音樂會 , 網上片段

維也納愛樂近來相當慷慨，連續多個禮拜日嘅定期或者特別音樂會都有各種方法嘅直播，或者事後放送。因此最近一週，沐嘉度 Riccardo Muti 這個常客，就沒有甚麼大期望。而且曲目是白遼士嘅「幻想交響樂」，CD都有不少，所以也沒有甚麼跟進。

訂閱總裁深入國際評論｜資助總裁食拖羅

但從網上聽到嘅片段，一聽就相當驚人，只能說薑是老的辣，而且有些事情真是熟而生巧。

「幻想交響樂」本身就是一個很棘手嘅作品，容許不同嘅解讀方法。例如白遼士本身人生故事嘅瘋狂，將各種新穎配器瘋狂放大，這就是葛傑夫，但他卻搞到弦樂相當薄弱。

當然他是嘗試來個法國樂派嘅Approach，但已經俾維也納愛樂獨立出碟嘅裴勵德，明顯比佢權威，甚至曾經是法國樂團總監嘅蘇徹夫，都比佢老到。

但維也納愛樂變成法國樂團，其實意思不大，我直接去聽EMI嘅舊名盤就可以。而維也納愛樂嘅弦樂，是有獨特風格和聲音，因此其實法國風格，往往會忽略了弦樂嘅「美聲」。

其實楊崇臣係佢最後一場同維也納愛樂嘅定期音樂會，都有嘗試，但不知為何管樂就在他手上失控了。

最後不能不說沐嘉度的確長期和維也納愛樂合作，因此懂得樂團嘅特性，速度當然沒有裴勵德或蘇徹夫刺激，但弦樂跟上，就是個有維也納愛樂自己味道嘅「幻想交響樂」。

自家樂評