而家開始要緊貼ORF嘅7日download期限，因此都要跟緊啲維也納乃至奧地利嘅樂壇新聞。
但百密總有一疏，最近卻發現，維也納國立歌劇院新一季嘅訊息，4月已經發布，不過卻無睇過。不過我唔使買現場飛，所以問題不大，有足足一年跟進。
但望落啲歌劇曲目，卻發現奧地利指揮韋尚武 Franz Welser-Möst，明年生活相當豐盛。
已知佢明年會再度指揮新年音樂會，維也納愛樂甚至願意俾佢指揮巴哈嘅馬太受難曲，已經可以話罕見樂壇盛事。
國立歌劇院甚至同佢玩兩次「斬龍遇仙記 Der Ring des Nibelungen」嘅完整四套歌劇，韋生明年嘅維也納音樂生活真係豐盛。
但其實近年韋生有啲出世嘅，突然會取消演出，據講神經緊張。但今年卻有閒情出黎做頂替指揮，係唔係真係有改善？如果係的卻係樂迷福音，畢竟做咩似咩嘅指揮，其實買少見少。
訂閱總裁深入國際評論 ｜資助總裁食拖羅 ｜ 點解可以相信膠事錄 | 緊貼膠事錄更新 | 舉報錯字
