區寶華嘅芭蕾舞之夜，入場嘅感覺有啲古怪。畢竟11年前已經見識過佢，而家呢個年齡，似乎已經過咗體力高峰。但而家芭蕾舞演員都突然長壽咗，義大利名伶Alessandra Ferri ，50幾歲都仲可以俾俊男抬來抬去，今年藝術節又無咩大團，所以就決定入手。
無令人失望嘅係，區小姐依然係爆發力衝天，轉同跳嘅速度依然驚人，呢點係絕不冷場，甚至連伴舞嘅男生都顯得有點瘦弱。
當然，對於我黎講，區小姐帶黎咗，頂住莫斯科大劇院10年嘅台柱，義大利仔 Jacopo Tissi。開頭吉賽爾有啲緊張之外，其餘全場表現還好。
現代舞或者新排劇目唔係我杯茶，所以就唔多講。但似乎要公正評論下壓軸劇目，天鵝之死。我曾經公海評論過，擔心區寶華手部僵硬，未必可以全面展示垂死天鵝嘅柔弱，佢當年係BBC電視表演就係如此。
今次表演佢明顯有成長，現代舞嘅訓練的確放鬆咗佢對手，但比起其他名伶，例如Svetlana Zakharova 或者 Iana Salenko。
不過呢劇場表演，其實算係票價宜人，比起另一邊廂歌劇女神聶翠可嘅坐地起價，呢方面區寶華就顯得十分謙虛。
訂閱總裁深入國際評論 ｜資助總裁食拖羅 ｜ 點解可以相信膠事錄 | 緊貼膠事錄更新 | 舉報錯字
