一般黎講我好怕睇新編芭蕾舞，都唔好話寫評論。
訂閱總裁深入國際評論 ｜資助總裁食拖羅
但今次呢套墨西哥暢銷小說/電影改成嘅「濃情朱古力 Like Water for Chocolate」，或者我個人讀後感應該叫「煮出有晴天」，卻是少有講清楚故事，清晰芭蕾舞嘅傳統手部及肢體語言交代劇情，係近年少見嘅似樣作品。
芭蕾舞近年多咗現代舞咁編舞，再唔係好嘅劇本，往往都一個意念嘅幾分鐘小品，好多時我地呢啲老保守唔知佢up咩。
「濃情朱古力」本身係一個跨越數十年嘅故事，而且味道引發想像，因此故事相當不錯，而且有男女主角嘅禁戀，的確係好好排舞。正如成本「唐吉軻德」，最後都係只係搵巴塞飛髮佬嘅兩章書黎set 芭蕾舞劇，呢個腳本算係幸運嘅。
當然呢個故事有啲角色多，不過編舞 Christopher Wheeldon 運用返英國人講故事嘅技巧。而且配角安排都相當搶眼，例如 Matthew Ball 做宅男醫生都相當入角，Cesar Correlas 更加係跳返祖家character dance，自然夠火爆。
今次香港甚至早過英國上，令到戲院安排都有啲混亂，例如片中話可以問戲院拿劇情摘要，金鐘間戲院卻無提供，甚至到指定時間開場3分鐘先俾人入場，甚至要觀眾催咯。
Anyway，係英國歐陸應該係仲有機會睇，實在值得望下。
訂閱總裁深入國際評論 ｜資助總裁食拖羅 ｜ 點解可以相信膠事錄 | 緊貼膠事錄更新 | 舉報錯字
