柏林 – 柏林航空 Air Berlin 突然宣布破產,外間雖然表示震驚,但職員其實不意外,多年嘅擴張同策略失調,似乎令破產係不少人嘅意料中事。

「南德紀事報」發現,柏林航空今日嘅電話錄音,依然播送「從非洲之巔到自由神像」嘅說詞,明顯佢地已經無服務呢啲地點,明顯marketing 多年都無update。

而德國媒體紛紛都認為,柏林航空係過度擴張,既有遠程路線,又有南歐獨家路線,甚至後期被阿布達比嘅聯盟航空收購後,仲帶客到阿布達比,所有行動都係燒錢,因此最後情況差到今年7月傳出,所有飛機都賣曬,所有機隊都係租用的。

然而柏林航空,漢莎似乎想將柏林航空嘅機隊收如旗下廉航歐洲之翼,並收留所有員工,甚至漢莎已經濕租部分Air Berlin 客機營運。但 Easyjet 據講都有意願收購部分資產。

旅遊須知

由於德國聯邦政府願意借出貸款,柏林航空客機依然維持正常運作,但由於會被宣布破產,或被收購,稍後嘅航班會受影響。而且現時很可能已經無法退票,如果循旅行社等其他代理訂購,若在歐盟境內,有機會得到替代安排。但直接係官網訂購,雖然可以構成欠債,但往往大股東優先,乘客只會派很後。同理,現時柏林航空依然售賣機票,但須知僅供參考,後果貴客自理。

明鏡 / 南德紀事報