康邊 – 德國聯邦總理默克爾同法國總統馬岡一齊到當地,出席一戰停戰協定百週年嘅紀念儀式,其中不少官方禮儀,包括獻花、同係當年簽約火車卡複製品簽紀念冊等等。

而當地政府都安排唔少人同馬總統默嬸嬸握手,最神奇嘅係一位下禮拜102歲嘅老太太。首先太太得知見到「共和國總統」,而且開心到歡呼,但更好笑嘅以為默嬸嬸係法國第一夫人。

翻譯多翻解釋,老太太似乎都get 唔到,最後要默嬸嬸要用半鹹淡法文表示自己係「德國首相」,老太太就更興奮,因為佢似乎意識到法國總統同德國總理呢兩個世界最大權力嘅人,一左一右同佢合照。

老太太大叫,呢次打卡真係正啊喂。

RTBF

舉報錯字:Fb 訊息留言板

Comments

comment