文翠珊內閣自接任以來，都一直好似係度嘗試避免國會有權就脫歐協議有最後話事權。
但政府法律觀點被司法挑戰，最終敗訴要到國會立法，但所有法案都超簡單，而且授與政府無上權力，一直惹來非議。
隨著脫歐法案開始委員會修訂階段，週三文翠珊政府面對一大挫敗，無法否決保守黨議員提出嘅私人修正案。
週三下議院通過以309對305，由前律政司葛偉富提出嘅脫歐法案第七修正案，要求政府與歐盟達成協議後，需與下議院「有實質意義地」表決。
政府反對修訂，但新黨鞭 Julian Smith更傳出不禮貌對待留歐派議員。前產業相蘇愛琳更向首相府幕僚長投訴，有議員遭到 abuse。
最終黨鞭嘅恐嚇計劃不成，議案通過。雖然文翠珊發言人表示無阻立法，但若果國會表決最終決議，要經過三讀，絕對唔係無影響。
而最大影響係文翠珊本來計畫下週會支持脫歐派提出嘅修訂，將2019年脫歐日期寫入法案，多方已經表示，有關修訂只會增加議事表決嘅難度。
