倫敦 – 白金漢宮宣布，女皇伊莉莎白二世駕崩，享年96歲。
伊莉莎白二世在位70年，已經係英國歷史上在位最長嘅君主，生前也是在位最長嘅在世君主及國家元首。
被港人暱稱為事頭婆，本來伊莉莎白公主出生於約克宮家，其父約克公爵亞伯並不需要繼位，但後來因為愛德華八世退位，以伊莉莎白成為王位第一繼承人。
1939年當時嘅伊莉莎白公主遇到未來夫君，亦係自己表哥嘅希臘嘅菲臘王子。王子係二戰時係皇家海軍服役，兩人1947年成婚，未來太子查爾斯係翌年出生。
1952年佐治六世意外早崩，當時伊莉莎白公主代表國王出訪肯雅，法理上佢係當地成為女皇，最後係1953年加冕。
英女皇係任內經歷多項危機，其中殖民帝國瓦解係一大挑戰，而佢致力發展英聯邦，維持前殖民地同聯合王國嘅合作關係，梗係英聯邦內推動多項計畫，甚至臨終前更加推動以事頭婆之名植樹，希望減緩全球暖化。
而另一個重大危機，是前媳婦威爾斯王妃黛安娜係1997年車禍喪生，一度因為堅持私人葬禮、私人悼念而令國人質疑君主制是否不合時宜。但最後以皇太后葬禮為藍本嘅公開葬禮，以及佢本人嘅電視演說，以及後來一系列改革皇室傳訊嘅舉動，令皇室度過呢次危機。
伊莉莎白二世曾於1975年和1986年訪港，而係英治時期，由於所有香港公務員，名義僱主都係伊莉莎白二世，因此「事頭婆」成爲香港人對伊麗莎白二世嘅戲稱。
而事頭婆已經是英倫三島有史以來在位最長嘅君主，佐治王子出世後，陛下更成為維多利亞女皇後，首位同三代繼承人同時在世嘅君主。
威爾斯親王稍後將會獲宣布為新君，清公府發言人已經證實，佢將是為「查理三世 Charles III」。
