總裁聽啲咩系列，本來想寫得密啲。但一度Traffic 唔返，所以無心機到艾嘉琪榮歸維也納愛樂、瑞典人瑞挑戰Carlos Kleiber 天碟都無心機寫。
但巴倫邦因病取消黎緊幾個月嘅演出，絕對係大事。就柏林同維也納愛樂，都有幾場音樂會係手，邊個接手都係大新聞。
維也納愛樂最先公布咗，12月個嘅定期音樂會，會由總裁新菲佛指揮艾天古接手，而且轉成法國曲目，包括聖桑嘅第三交響樂「管風琴」。
而維也納愛樂本身仲有11月一場音樂會，巴倫邦係彈蕭邦第一鋼琴協奏曲，仲有明年1月係薩爾茨堡嘅莫札特週音樂會。
柏林愛樂本來一月，仲有艾嘉琪闊別多年再玩柴可夫斯基第一鋼琴協奏曲，邊個接手都好亞歷山大。
訂閱總裁深入國際評論 ｜資助總裁食拖羅 ｜ 點解可以相信膠事錄 | 緊貼膠事錄更新 | 舉報錯字
