倫敦 – 防衛相房應麟因為傳出涉嫌性騷擾女性,黯然辭職下台。文翠珊火速任命首席黨鞭韋廉信接任,但英國小報卻表示,韋廉信嘅寵物要搬屋啦。

而韋廉信嘅寵物,早前曾經搞到國會上下雞犬不寧,因為係一隻叫做「Cronus」大蜘蛛,或者準確講係「大蘭多毒蛛」。

據講韋廉信用一個玻璃盒將「Cronus」放係檯頭,嚇親唔少同事,甚至出動國會保安長警告黨鞭,西敏宮不准養寵物

但韋廉信一於懶理,甚至對媒體表示首相府、外務省有寵物貓,點解黨鞭唔可以有寵物。

「我養Cronus 時,佢仲細個,所以我對所有議員嘅愛,同對Cronus 嘅愛一樣。」「我必須強調,被蜘蛛咬死嘅人,一定少過墮馬死嘅人。」「Cronus 是無情殺手嘅典範,睇住佢大,絕對神奇。」

深度閱讀呢次危機

太陽報 / 每日電訊報