倫敦 – 晚年為港人發聲嘅前自民黨領袖艾思定勳爵，週六病逝，終年77歲。
佢早前證實罹患膀胱癌，自民黨發言人週六晚證實消息。
艾思定係爹里出世，父親係印度軍隊軍官，愛爾蘭裔。早年加入海軍陸戰隊，以及軍情六處，並且加入外交系統作為掩護。1967年更曾經係香港學習瓷語，可以達到傳譯水準。
後來從政加入自由黨及自民黨，後來成為自民黨領袖。離開英國政壇後，更加成為聯合國對波黑代表。近年多次參與「香港監察」嘅連署，並多次促請英國外務省履行對港人嘅承諾。
近年艾思定依然活躍於政壇，除咗係上議院議員，更經常上政治節目評論政事。近年嘅經典係2015年大選之夜表示，如果BBC推測自民黨大敗正確，就會食咗自己頂帽。最後BBC 另一個節目安排佢食咗個帽型嘅蛋糕當找數。
